اسسٹنٹ کمشنر صدر کا سبزی منڈی کا دورہ ، بولیوں کی نگرانی
فیصل آباد، پینسرہ (خصوصی رپورٹر ، نمائندہ دنیا)اسسٹنٹ کمشنر صدر رنگزیب گورایہ نے صبح کے وقت سبزی منڈی سدھار کا دورہ کیا ۔
اور مختلف شیڈز میں جاکربعض سبزیوں کی بولیوں کے عمل کی نگرانی کی۔انہوں نے بولیوں کا تقابلی جائزہ لیا اور مارکیٹ کمیٹی کے سٹاف کو موقع پر موجود رہ کر صبح وسہ پہر کے اوقات میں بولیوں کے عمل کی نگرانی کی تاکید کی۔انہوں نے کہا کہ صبح بروقت ریٹ لسٹ جاری اور تمام دکانوں و ریڑھی فروشوں تک پہنچائی جائے ۔ انہوں نے دکانداروں سے کہا کہ وہ مقررہ ریٹس پر اشیا فروخت کریں تاکہ مارکیٹوں وبازاروں میں ایکشن کی نوبت نہ آئے ۔انہوں نے سبزی منڈی میں صفائی کی صورتحال کو بھی مزید بہتر بنانے کی ہدایت کی۔انہوں نے واش رومز کی تعمیر،واٹر فلٹریشن پلانٹ کی تنصیب اور چاردیواری کی تعمیر ومرمت کے کاموں کا بھی معائنہ کیا ۔
روزنامہ دنیا ایپ انسٹال کریں
