338 اساتذہ کی سکیل 17 میں ہیڈ ماسٹر ترقی کے احکامات
گوجرانوالہ (نیوز رپورٹر)سکول ایجوکیشن ڈیپارٹمنٹ پنجاب نے گوجرانوالہ سمیت پنجاب بھر کے 338 میل ایس ایس ٹی اساتذہ کو سکیل 16 سے 17 میں بطور ہیڈ ماسٹر پروموشن کے احکامات جاری کر د ئیے ،سس اوپن ہونے کے بعد ان کو سٹیشن الاٹ کئے جائیں گے ۔
تفصیلات کے مطابق سکول ایجوکیشن ڈیپارٹمنٹ پنجاب نے 338 میل سینئر ایس ایس ٹی اساتذہ کو سکیل 16 سے ریگولر 17 میں پروموٹ کرنے کے احکامات جاری کر د ئیے ہیں۔ ان اساتذہ کو ہیڈ ماسٹر ، ڈپٹی ہیڈ ماسٹر ، ایس ایس ، اسسٹنٹ ڈاریکٹر یا سکیل 17 کے مساوی کسی بھی سیٹ پر تعینات کیا جائے گا۔ سس اوپن ہونے کے بعد ان اساتذہ کو میرٹ پر تعیناتی کیلئے آپشن دئیے جائیں گے ۔ سکیل 17 میں ترقی پانے والے اساتذہ میں گورنمنٹ کمپری ہینسو سکول گوجرانولہ کے محمد اشرف، طاہر مبشر، ارشد محمود رندھاوا اور خالد گوندل شامل ہیں۔ ایڈجسٹمنٹ آرڈرز جاری ہونے کے 15 روز تک جوائننگ نہ دینے والے اساتذہ کی پروموشن منسوخ کر دی جائیگی۔
