فضائی آلوددگی پھیلانے والی 52 ہزار گاڑیوں کی فہرست مرتب
لاہور(اپنے سٹی رپورٹر سے)پنجاب میں فضائی آلودگی پھیلانے والی 52 ہزار اولڈ ایج گاڑیوں کیخلاف گھیرا تنگ کردیا گیا،محکمہ ٹرانسپورٹ نے سیف سٹیز اتھارٹی اور ایکسائز کی مدد سے فہرست مرتب کرلی۔
سیکرٹری ٹرانسپورٹ احمد جاوید قاضی کے مطابق پنجاب میں فضائی آلودگی پھیلانے والی 52 ہزار اولڈ ایج گاڑیو ں کے سڑکوں پر آنے پرپابندی ہوگی،سیف سٹی اتھارٹی کے کیمروں اورایکسائز ڈیٹا کی مدد سے ریکارڈ مرتب کیاگیا،تمام اضلاع کی ریجنل ٹرانسپورٹ اتھارٹیز گاڑیوں کے خلاف کارروائی کریں گی ،وہ اولڈ ایج گاڑی جس کے پاس فٹنس سرٹیفکیٹ نہیں ہوگا ان کوبندکرایا جائے گا۔ریجنل ٹرانسپورٹ اتھارٹی ناکہ بندی کرکے بغیرفٹنس چلنے والی اولڈ ایج گاڑیوں کو پکڑیں گی،گاڑی اولڈ ایج ہو اورفٹ ہو،فٹنس سرٹیفکیٹ ہو وہ پابندی سے مستثنی ہوں گی۔
روزنامہ دنیا ایپ انسٹال کریں
