ٹریفک حادثا ت ، 18سالہ لڑکی،20سالہ نوجوان جاں بحق
کالا شاہ کاکو،پتوکی(نامہ نگار،تحصیل رپورٹر )مختلف ٹریفک حادثا ت میں 18سالہ لڑکی،20سالہ نوجوان جاں بحق ہوگی۔۔۔
بتایا گیا ہے کہ پاک ٹاؤن کامونکے کا رہائشی نوجوان اپنی 18سالہ بہن کو موٹر سائیکل پر ظفر آرکیڈ کی طرف لے کر آ رہا تھا کہ انڈر پاس کے ارد گرد جی ٹی روڈ پر قابض موٹر سائیکل رکشوں سے بچ کر سڑک پر آتے ہوئے موٹر سائیکل کے پیچھے بیٹھی18سالہ فاطمہ امانت گر کر سامنے سے آنے والی تیزر فتار بس کے پہیوں تلے کچلی گئی،جس کے نتیجہ میں وہ موقع پر ہی دم توڑ گئی، پولیس نے ضروری کارروائی کے بعد لاش ورثا کے حوالے کر دی ۔علاوہ ازیں ملتان روڈ ٹول پلازہ کے قریب 20 سالہ صفی اﷲ کنٹینر کو کراس کرنے کی کوشش میں موٹرسائیکل گرنے پر کنٹینر کے نیچے آگیا ،متوفی صفی اﷲ حبیب آباد کے نواحی گاؤں جودھ سنگھ کا رہائشی تھا ، ریسکیو ٹیم نے لاش کو ضروری کارروائی کیلئے ہسپتال منتقل کردیا۔
