بائیڈن اقتدار کی منتقلی سے قبل تیسری عالمی جنگ کا آغاز چاہتے :ٹرمپ جونیئر
واشنگٹن(مانیٹرنگ ڈیسک،آئی این پی)نو منتخب امریکی صدر ڈونلڈ ٹرمپ کے بڑے بیٹے ٹرمپ جونیئرنے کہا ہے کہ بائیڈن اقتدار کی منتقلی سے قبل تیسری عالمی جنگ کا آغاز چاہتے ہیں۔۔۔
انہوں نے بائیڈن انتظامیہ کی جانب سے یوکرین کو روس کے اندر امریکی ہتھیار استعمال کرنے کی اجازت کو تیسری عالمی جنگ شروع کرنے کے خطرے سے تشبیہ دی ہے ۔ٹرمپ جونیئر نے سوشل میڈیا پر لکھا کہ بائیڈن میرے والد کے عہدہ سنبھالنے سے پہلے تیسری عالمی جنگ شروع کرانے کی کوشش کر رہے ، ایسا لگتا ہے ملٹری انڈسٹریل کمپلیکس اس بات کو یقینی بنانا چاہتا ہے کہ وہ تیسری جنگ عظیم شروع کر دے اس سے پہلے کہ میرے والد کو امن قائم کرنے اور جان بچانے کا موقع ملے ۔
روزنامہ دنیا ایپ انسٹال کریں
