ایئر انڈیا کی پرواز میں پورا عملہ سوگیا، مسافر رل گئے
نئی دہلی (دنیا مانیٹرنگ)بھارت کی ایئر انڈیا میں کیبن کریو ایک ہی وقت میں سوگیا، جس کی وجہ سے مسافروں کو شدید مشکلات اٹھانا پڑیں۔۔
غیر ملکی میڈیا رپورٹس کے مطابق 12ہزار کلومیٹر اور 18 گھنٹے سے زائد کی ایئر انڈیا کی فلائٹ دہلی سے شکاگو جا رہی تھی، اس میں تمام کیبن کریو ایک ہی وقت میں سوگیا جس سے صورتحال خراب ہوگئی۔ مسافروں نے شکایت کی کہ دوران پرواز کیبن کریو نے سروس دینا بند کر دی اور جب مسافروں نے خود کریو کی تلاش شروع کی تو حیرت انگیز انکشاف ہوا کہ وہ بزنس کلاس میں مزے سے خراٹوں بھری نیند لے رہے تھا۔ہوابازی سے متعلق حکام کے مطابق ایئر انڈیا جان بوجھ کر بزنس کلاس کی کچھ نشستیں خالی رکھتی ہے تاکہ عملہ آرام کر سکے لیکن اس بار تمام عملے کا ایک ساتھ سونا حفاظتی اصولوں کی سنگین خلاف ورزی ہے ۔
روزنامہ دنیا ایپ انسٹال کریں
