پاکستانی ویب سیریز’’فروٹ چاٹ‘‘ کی شوٹنگ کا آغاز
لاہور(شوبزڈیسک)عالمی ایوارڈ یافتہ پاکستان شوبز کے نوجوان ہدایتکار معیز عباس کی طنز و مزاح سے بھرپور نئی ویب سیریز ‘فروٹ چارٹ’ کی شوٹنگ کا آغاز کردیا گیا۔
اس ویب سیریز کی کہانی رائٹر اور ہیومن ایکٹیوسٹ تنزیلا خان نے لکھی ہے جو خود اس ویب سیریز میں مرکزی کردار ادا کر رہی ہیں جبکہ معروف اداکار فواد جلال، نادیہ افغان بھی اس پراجیکٹ میں خصوصی کردار نبھاتے نظر آئیں گے ۔فروٹ چاٹ کی کہانی ایک ایسی تعلیم یافتہ اور قابل لڑکی ‘شبانہ’ کے گرد گھومتی ہے جو ویل چیئر استعمال کرنے والی خاتون ہے مگر ہمت کی اعلیٰ مثال ہے ویب سیریز کو جنوری کے پہلے ہفتے میں ریلیز کئے جانے کا امکان ہے جبکہ ریلیز کی حتمی تاریخ کا اعلان جلد کیا جائے گا۔ 7 قسطوں پر مشتمل ویب سیریز ‘فروٹ چارٹ’ کو اس کے آفیشل سٹریمنگ پارٹنر‘مائیکو’ پر ریلیز کیا جائے گا۔
روزنامہ دنیا ایپ انسٹال کریں
