ہالی ووڈ فلم میں بولڈ سین کرنے پر احد رضا میر کی وضاحت
لاہور(شوبزڈیسک ) اداکار احد رضا میر نے ہالی ووڈ فلم ‘ریزیڈنٹ ایول’ میں اپنے بولڈ سین کرنے پر وضاحت دیتے ہوئے اعتراف کیا۔۔
کہ انہیں معلوم تھا کہ اس سین پر عوام کا شدید ردعمل آئے گا۔ یہ کافی خوفناک تجربہ تھا کیونکہ مجھے اندازہ تھا کہ لوگوں کی جانب سے تنقید ہوگی۔ لیکن ہمارے ڈراموں میں تشدد، تھپڑ مارنے اور بدسلوکی کے مناظر دکھائے جاتے ہیں جنہیں بڑی تعداد میں لوگ دیکھتے ہیں اور کسی کو کوئی مسئلہ نہیں ہوتا۔ لوگوں کو مسئلہ صرف اس وقت ہوتا ہے جب ہم محبت یا قربت کے مناظر دکھاتے ہیں۔ پاکستانی ناظرین بالی ووڈ اور ہالی ووڈ کی فلمیں دیکھنے میں کوئی عار محسوس نہیں کرتے ، لیکن اپنے فنکاروں پر تنقید کرتے ہیں۔ وہ بین الاقوامی سطح پر کام کر رہے ہیں اور برطانیہ میں یہ ممکن نہیں کہ وہ یہ کہیں کہ وہ کچھ مخصوص چیزیں نہیں کر ینگے ۔
روزنامہ دنیا ایپ انسٹال کریں
