انٹرا پارٹی انتخابات : بیرسٹر گوہر تحریک انصاف کے بلامقابلہ چیئرمین، عمر ایوب جنرل سیکرٹری منتخب
اسلام آباد(مانیٹرنگ ڈیسک)تحریک انصاف کے بیرسٹر گوہر علی خان پارٹی کے بلامقابلہ چیئرمین اور عمر ایوب جنرل سیکرٹری منتخب ہوگئے جبکہ تین صوبائی صدور کا انتخاب بھی بلامقابلہ عمل میں آیا۔
پی ٹی آئی کے مرکزی سیکرٹریٹ کی جانب سے جاری اعلامیے کے مطابق شیڈول انٹرا پارٹی انتخابات کے لیے پینلز کا اعلان کردیا گیا۔ بیرسٹر گوہر، عمر ایوب کے مقابلے میں مرکز میں کوئی امیدوار سامنے نہیں آیا۔ اعلامیے میں کہا گیا کہ انٹراپارٹی انتخابات کے لیے خیبرپختونخوا میں علی امین گنڈا پور کا پینل، سندھ میں حلیم عادل شیخ اور پنجاب میں راشد یاسمین پینل ہے اور ان کے مقابلے دوسرا پینل نہیں لہٰذا تینوں صوبائی صدور بلا مقابلہ منتخب ہوگئے ۔پی ٹی آئی بلوچستان کے پینلز میں امین خان جوگیزئی پینل، داؤد شاہ پینل اور منیر احمد بلوچ پینل شامل ہیں، جن کے درمیان مقابلہ 3 مارچ کو ہوگا۔اعلامیے میں کہا گیا کہ انٹراپارٹی انتخابات کے نتائج کا باقاعدہ اعلان 3 مارچ کو کوئٹہ میں صدر کے عہدے پر انتخابات کے بعد کیا جائے گا۔
