او جی ڈی سی ایل ، آئی پی آر آئی چیئر کیلئے اشتراک کا معاہدہ
اسلام آباد(سٹاف رپورٹر)آئل اینڈ گیس ڈویلپمنٹ کمپنی لمیٹڈاوراسلام آباد پالیسی ریسرچ انسٹی ٹیوٹ (آئی پی آر آئی ) کے مابین انڈومنٹ آف اکنامک سکیورٹی چیئر کیلئے اشتراک کا معاہدہ طے پا گیا۔
تقریب میں او جی ڈی سی ایل بورڈ کے چیئرمین اور بینک آف پنجاب کے سی ای او ظفر مسعود ، او جی ڈی سی ایل کے ایم ڈی/سی ای او احمد حیات لک اور انڈسٹری کے اعلیٰ عہدیداروں نے شرکت کی۔آئی پی آر آئی میں انڈوومنٹ آف اکنامک سکیورٹی چیئر تین سال کی مدت کیلئے ہے ، اور اسے ‘‘او جی ڈی سی ایل - آئی پی آر آئی چیئر’’ کے نام سے جانا جائے گا، یہ اشتراک کارپوریٹ سیکٹر اور اکیڈمی کے درمیان تعامل کی بہترین مثال ہے ، اس کا تحقیقی پورٹ فولیو میں جن موضوعات کا احاطہ کیاجائے گا ان میں سرکلر اکانومی اور گرین انٹرپرینیورشپ، تیل اور گیس ویلیو چین کی ڈی کاربنائزیشن، ماحولیاتی سماجی گورننس،پاکستان میں کارپوریٹ گورننس کا نیا دور، تیل پر منحصر معیشتوں میں قابل تجدید توانائی کے متبادلات کی اقتصادی قابل عملیت، شیل گیس کی ترقی کے اقتصادی اثرات اور ایکسپلوریشن اینڈ پروڈکشن (ای پی)، موسمیاتی تبدیلی، افراط زر کے رجحانات اور کان کنی شامل ہیں، اس موقع پر خطاب کرتے ہوئے چیئرمین او جی ڈی سی ایل نے آئی پی آر آئی پر زور دیا کہ وہ توانائی کے شعبے کی درآمدات کو مقامی بنانے کیلئے تحقیق کرے اور سفارشات پیش کرے ، انہوں نے توانائی اور کان کنی کے شعبوں میں سرمایہ کاری کو فروغ دینے کیلئے اصلاحات بشمول خصوصی ریگولیٹری اداروں کے قیام اورتنازعات کے حل کیلئے متبادل مراکز کے قیام پر زور دیا، ظفر مسعود نے اپنے خطاب کے دوران ماحول دوست (گرین )فنانسنگ کے حوالے سے او جی ڈی سی ایل کے کردار اور مصنوعی ذہانت کے مناسب استعمال پر روشنی ڈالی۔
