ژوب:اغوا کار کا خودکش دھماکا،2فائرنگ کے تبادلے میں ہلاک،1مغوی جاں بحق
ژوب(نامہ نگار )بلوچستان کے ضلع ژوب میں 2افرادکو اغو اکرنے والے 4میں سے ایک اغواکار نے خود کودھماکے سے اڑادیاجبکہ 2اغواکار سکیورٹی فورسز اورقبائلیوں سے فائرنگ کے تبادلے کے دوران مارے گئے اور ایک اغواکار فرارہوگیا،اس دوران ایک مغوی کو بازیاب کرالیاگیاجبکہ ایک اغواکاروں کی فائرنگ سے جاں بحق ہوگیا۔
اسسٹنٹ کمشنر ژوب محمد نوید عالم نے بتایا کہ گزشتہ روز اغوا کاروں نے قلعہ سیف اللہ کے علاقے سے 2 افراد کو اغوا کیا ، جس کے بعد لیویز فورس اور قبائلیوں نے اغوا کاروں کا تعاقب کیا، اس دوران ایک اغوا کار نے خود کو دھماکے سے اڑا لیا جبکہ فائرنگ کے تبادلے میں 2 اغواکاروں کو ہلاک کردیا گیا ،ایک اغوا کار فرارہوگیا جس کی تلاش جاری ہے ۔انہوں نے بتایا کہ کارروائی کے دوران ایک مغوی کو بازیاب کر الیا گیا جبکہ فائرنگ کے تبادلے میں دوسرا مغو ی اغوا کاروں کی فائرنگ سے جاں بحق ہوگیا۔
