خسرہ ، روبیلا ویکسی نیشن مہم آج شروع،3.50کروڑ بچوں کاہدف
پنجاب 68، بلوچستان 22، سندھ 84، کے پی میں 52لاکھ بچوں کی ویکسی نیشن ہوگی 6 ماہ سے 5سال تک کے بچوں کو ویکسین، ہائی رسک اضلاع میں پولیو قطرے پلائے جائینگے
اسلام آباد (نیوز رپورٹر) وزارتِ قومی صحت کے مطابق ملک بھر میں خسرہ اور روبیلا سے بچاؤ کی قومی ویکسی نیشن مہم آج سے شروع ہو گی اس دوران 3کروڑ 54لاکھ بچوں کو ویکسین لگائی جائے گی۔ یہ مہم 29نومبر تک جاری رہے گی۔ نیشنل ای او سی کے مطابق 6ماہ سے 5 سال تک کے تمام بچوں کی ویکسی نیشن کا ہدف رکھا گیا ہے ۔ملک کے مخصوص ہائی رسک اضلاع میں بچوں کو پولیو سے بچاؤ کے قطرے بھی پلائے جائیں گے ۔ مجموعی طور پر تقریباً 2 کروڑ 33 لاکھ بچوں کو پولیو کے قطرے پلائے جائیں گے ۔ اس دوران پنجاب میں 68 لاکھ، بلوچستان میں 22 لاکھ 46 ہزار، سندھ میں 84 لاکھ سے زائد اور خیبر پختونخوا میں 52 لاکھ 46 ہزار بچوں کو پولیو کے قطرے پلائے جائیں گے ،خسرہ و روبیلا ویکسی نیشن کے حوالے سے پنجاب میں 1 کروڑ 73 لاکھ سے زائد، سندھ میں 84 لاکھ سے زائد، خیبر پختونخوا میں 52 لاکھ 46 ہزار، بلوچستان میں 22 لاکھ 46 ہزار، آزاد جموں و کشمیر میں 6 لاکھ 24 ہزار سے زائد، گلگت بلتستان میں 2 لاکھ 46 ہزار سے زائد اور اسلام آباد میں 2 لاکھ 25 ہزار سے ز ائد بچوں کو مفت ویکسین دی جائے گی ۔
