کمزور پالیسی ، پاکستان عالمی برآمدات میں پیچھے رہ گیا
عالمی معیار کے مطابق جدید یونیورسٹیوں کا قیام ناگزیر ہے ، نجم مزاری
لاہور(آئی این پی) آرگینک زراعت اور مصنوعات پر ریسرچ کرنے والے ادارے کے سربراہ نجم مزاری نے کہا ہے کہ مضبوط قومی پالیسی نہ ہونے کی وجہ سے پاکستان زرعی ملک ہونے کے باوجود عالمی زرعی برآمدات میں اپنی صلاحیت کے مطابق مقام حاصل نہیں کر سکا،پاکستان اکنامک سروے 2025-26 کے مطابق جولائی تا مارچ خوراک کی برآمدات 33.9 فیصد کمی سے 3.8 ارب ڈالر جبکہ درآمدات 15.2 فیصد اضافے سے 7.1ارب ڈالر تک پہنچ گئیں،زرعی درآمدات وبرآمدات کے مقابلے میں دو گنا ہوناملکی معیشت کیلئے لمحہ فکریہ ہے ۔اپنے بیان میں انہوں نے کہا کہ جدید زرعی تحقیق، ٹیکنالوجی اور ویلیو ایڈیشن کی کمی کے باعث پاکستان عالمی منڈی میں اپنی مصنوعات کی مسابقتی صلاحیت بہتر نہیں بنا سکا۔عالمی معیار اور رجحانات کے مطابق لاہور، کراچی اور اسلام آباد میں زرعی شعبے کیلئے جدید اداروں اور یونیورسٹیوں کا قیام ناگزیر ہے ،لاہور میں تحقیق، جدید ٹیکنالوجی، جدت اور کسانوں کی تربیت پر توجہ دینے والی ایگریکلچر یونیورسٹیزقائم کی جانی چاہیے ،کراچی میں فوڈ پروسیسنگ، کولڈ چین، فشریز اور عالمی مارکیٹنگ سے متعلق ایگری انڈسٹری یونیورسٹی کی ضرورت ہے، اسلام آباد میں زرعی پالیسی، قومی منصوبہ بندی، سرمایہ کاری اور فوڈ سکیورٹی کیلئے خصوصی ایگری پالیسی یونیورسٹی قائم کی جائے۔
Comments / رائے دیں
Share your thoughts. Comments are reviewed before they appear publicly.
Approved Comments