صرف بالز پر فوکس کیا، یہ نہیں دیکھا کون بالنگ کروا رہا :صائم
ایڈیلیڈ(سپورٹس ڈیسک )دوسرے ون ڈے میں آسٹریلیا کیخلاف پاکستان کی جیت میں اہم کردار ادا کرنیوالے قومی ٹیم کے اوپنر صائم ایوب نے فتح کا سہرا ٹیم کے سر سجادیا۔میچ کے اختتام پر گفتگو کرتے ہوئے انہوں نے کہا کہ بطور ٹیم جیتنے پر خوشی ہے ۔۔
شاندار فتح میں ہر ایک نے اہم کردار ادا کیا۔ کینگروز کیخلاف بالرز نے شاندار پرفارمنس کا مظاہرہ کیا۔ بیٹنگ کے دوران صرف گیندوں پر فوکس کیا، یہ نہیں دیکھا کون بالنگ کروا رہا ہے ۔ علاوہ ازیں صائم ایوب کسی بھی فارمیٹ میں آسٹریلیا کیخلاف ایک اننگز میں سب سے زیادہ چھکے لگانے والے پاکستانی بیٹر بن گئے ۔ ان کی اننگز میں 6 چھکے اور 5 چوکے شامل تھے ۔ اس سے قبل نسیم شاہ نے پچھلے ہی میچ میں 39 گیندوں پر 4 چھکوں کی مدد سے 40 رنز بنائے ۔ شاہد آفریدی نے 2005ء-04 میں ہوبارٹ میں ون ڈے میں 26 گیندوں پر 4 چھکوں اور 4 چوکوں کی مدد سے 56 ناٹ آؤٹ رنز سکور کیے تھے ۔مصباح الحق نے 2014ء-04 میں ابوظہبی ٹیسٹ میں اپنی 56 گیندوں کی سنچری میں 5 چھکے لگائے تھے
