آسٹریلیا:بیٹر کا شاٹ، گیند سیدھی آسٹریلوی امپائر کے منہ پر جا لگی
میلبرن(سپورٹس ڈیسک )آسٹریلیا کے مقامی میچ کے دوران امپائر چہرے پر گیند لگنے سے شدید زخمی ہوگئے ۔
میڈیا رپورٹس کے مطابق پرتھ میں کھیلے گئے ایک مقامی میچ کے دوران آسٹریلوی امپائر ٹونی ڈی نوبریگا کے چہرے پر گیند لگ گئی، جس کے باعث وہ شدید زخمی ہوگئے ۔میچ میں بیٹر نے سٹریٹ ڈرائیو شاٹ کھیلا جس کے بعد گیند سیدھی ان کے چہرے پر لگی جس سے ان کے چہرے پر شدید چوٹیں آئیں، امپائر کو فوری طور پر طبی امداد کیلئے ہسپتال منتقل کردیا گیا ہے ۔ ان کی کوئی ہڈی نہیں ٹوٹی تاہم چہرے کا حلیہ بری طرح بگڑ گیا ہے جس کے باعث انکا آپریشن کیے جانے کا امکان ہے ۔
روزنامہ دنیا ایپ انسٹال کریں
