ابوظہبی ٹی 10،ویزے اور گلیسن نے دکن گلیڈی ایٹرز کو آخری گیند پر فتح دلادی
ابوظہبی (سپورٹس ڈیسک)ابوظہبی کی سابق ٹی 10 چیمپئن دکن گلیڈی ایٹرز نے ڈیوڈ ویزے کی جارحانہ اننگز اور رچرڈ گلیسن کی 3 وکٹوں کی بدولت ٹیم ابوظہبی کو رواں سیزن میں پہلی شکست سے دوچار کردیا۔
نمیبیا کے 39 سالہ عالمی کھلاڑی اس وقت میدان میں اترے جب ان کی ٹیم نے 7.2 اوورز میں 5 وکٹوں کے نقصان پر 78 رنز بنائے تھے ۔12 گیندوں پر دائیں ہاتھ کے بلے باز نے 42 رنز کی ناقابل شکست اننگز کھیلی اور اپنی ٹیم کو مقررہ 10 اوورز میں 5 وکٹوں کے نقصان پر 134 رنز تک پہنچانے میں مدد کی۔ فاسٹ بولر رچرڈ گلیسن نے بیئرسٹو کی اہم وکٹ حاصل کی اور اسی اوور میں مارک ایڈائر کو آؤٹ کرکے ٹیم ابوظہبی کی کہانی ختم کردی۔ ایک اور میچ میں جانسن چارلس نے ناردرن واریئرز کی جانب سے شاندار اننگز کھیل کر اپنی ٹیم کو چنئی بریو جیگوارز کے خلاف بڑی فتح دلائی۔
روزنامہ دنیا ایپ انسٹال کریں
