بلائنڈ ٹی 20 ورلڈ کپ: بنگلہ دیش نے سری لنکا کو ہرا دیا
لاہور(سپورٹس ڈیسک )بلائنڈ ٹی ٹونٹی ورلڈ کپ میں بنگلہ دیش نے سری لنکا کو 25 رنز سے ہرا دیا۔بنگلا دیش کی ٹیم نے سری لنکا کی بلائنڈ کرکٹ ٹیم کے خلاف 4 وکٹوں کے نقصان پر 167 رنز بنائے ۔۔
جبکہ سری لنکا کی ٹیم 168رنز کے تعاقب میں7 وکٹوں کے نقصان پر صرف 142رنز ہی بنا سکی۔سری لنکا کی جانب سے کپتان چندنا دیشا پریانے نے 56 رنز کی اننگز کھیلی۔ادھر دوسرے میچ میں نیپال کی ٹیم نے افغانستان بلائنڈ کرکٹ ٹیم کو 108رنز سے شکست دی ،افغانستان کی ٹیم 229 رنز کے تعاقب میں 9 وکٹوں کے نقصان پر صرف 120 رنز ہی بنا سکی۔نیپال نے 2 وکٹوں کے نقصان پر 228 رنز بنائے تھے جس میں نیپالی کھلاڑی پدم بدیلانے 92 رنز کی اننگز کھیلی۔
روزنامہ دنیا ایپ انسٹال کریں
