ویسٹ انڈیز کی کرکٹ ٹیم 19سال بعد پاکستان میں ٹیسٹ میچ کھیلے گی
راولپنڈی (سپورٹس رپورٹر )ویسٹ انڈیز کی کرکٹ ٹیم 19 سال بعد پاکستان میں ٹیسٹ میچ کھیلے گی ۔ پی سی بی نے ویسٹ انڈیز کے دورہ پاکستان کی تفصیلات جاری کر دی ہیں ۔
آئی سی سی ورلڈ ٹیسٹ چیمپئن شپ کے سلسلے میں پاکستان اور ویسٹ انڈیز کے درمیان دو میچ کھیلے جائیں گے ۔ ویسٹ انڈین ٹیم 6 جنوری کو اسلام آباد پہنچے گی اور ٹیسٹ سیریز سے قبل پاکستان شاہینز کے خلاف 10 سے 12 جنوری تک راولپنڈی سٹیڈیم میں تین روزہ پریکٹس میچ کھیلے گی ۔ پاکستان اور ویسٹ انڈیز کے درمیان پہلا ٹیسٹ 17 سے 21 جنوری جبکہ دوسرا ٹیسٹ 25 سے 29 جنوری تک ملتان میں کھیلا جائے گا ۔
ویسٹ انڈیز نے آخری بار نومبر 2006 میں تین ٹیسٹ میچوں کی سیریز کھیلی تھی ۔
روزنامہ دنیا ایپ انسٹال کریں
