کم کرداشیئن نے نومولود کو سب سے پرسکون بچہ قرار دیدیا
ہالی ووڈ اداکارہ کم کرداشیئن نے نومولود بیٹے کو اپنے دیگر بچوں کی نسبت سب سے زیادہ پرسکون اور ٹھنڈے مزاج کا بچہ قرار دے دیا۔
لاس اینجلس (اے پی پی) ذرائع ابلاغ کے مطابق کم کرداشیئن نے انسٹاگرام پر اپنی بہن کے ہمراہ بے بی شاور کے دوران بنائی گئی تصاویر شیئر کرتے ہوئے کہا کہ نومولود بیٹا ان کی فیملی میں ایک خوشگوار اضافہ ہے ، انہیں کوئی زیادہ محنت نہیں کرنی پڑتی کیونکہ وہ ان کے دیگر بچوں کی نسبت بہت پرسکون اور آرام دہ ہے اور ہر کوئی اس سے بہت محبت کرتا ہے ۔ بچے کے نام کا اعلان تاحال نہیں کیا گیا۔ واضح رہے کہ کم کرداشیئن اور کینے ویسٹ کے اس سے قبل ایک بیٹا سینٹ ویسٹ اور 2 بیٹیاں نارتھ ویسٹ اور چیکاگو ویسٹ ہیں۔
روزنامہ دنیا ایپ انسٹال کریں
