کار پر ہزاروں شہد کی مکھیوں کاحملہ،ریسکیواہلکاروں کو مددکیلئے آناپڑا
شہد کی مکھی کے کاٹنے سے سب ہی کو ڈر لگتا ہے
لندن (نیٹ نیوز)شہد کی مکھی کے کاٹنے سے سب ہی کو ڈر لگتا ہے اور اگر بات کی جائے شہد کی مکھیوں کے چھتے کی تو اُسے دیکھ کر ہی لوگ خوفزدہ ہوجاتے ہیں اور اُس جگہ سے دور بھاگتے ہیں۔برطانیہ کے شہرلندن میں کچھ ایسے ہی مناظر دیکھنے کو ملے جب پارکنگ میں کھڑی کار پر اچانک ہزاروں شہد کی مکھیوں نے نہ صرف دھاوا بول دیا بلکہ گاڑی پر ڈیرہ بھی جما لیا۔شہد کی مکھیوں کے جھنڈ کو دیکھ کر کچھ لوگ خوفزدہ ہوگئے جبکہ کچھ ان مناظر کو کیمرے کی آنکھ میں قید کرتے نظر آئے ۔کچھ دیر بعد ریسکیو اہلکار اور شہد کی مکھیاں پکڑنے والے آئے جنہوں نے کار کو ان شہد کی مکھیوں سے نجات دلائی۔
روزنامہ دنیا ایپ انسٹال کریں
