ٹیلی کام آپریٹرز نے آئی ٹی کیلئے ٹیکس تجاویز مسترد کردیں
لاہور(این این آئی)ٹیلی کام آپریٹرز ایسوسی ایشن نے آئی ٹی سیکٹر کیلئے ٹیکس تجاویز مسترد کردیں۔ٹیلی کام آپریٹرز ایسوسی ایشن نے سینیٹ کی قائمہ کمیٹی برائے خزانہ کے چیئرمین کو خط لکھ کر اپنے تحفظات پیش کرنے کیلئے۔۔
چیئرمین کمیٹی سلیم مانڈوی والا سے وقت مانگ لیا ۔خط کے متن میں لکھا گیا کہ ٹیلی کام سیکٹر نے گزشتہ سال 340 ارب روپے کی ٹیکس وصولی میں اہم کردار ادا کیا۔ نئے فنانس بل کی تجاویز پر عملدرآمد سے پہلے سے مشکلات سے دوچار صنعت کا قتل ہوگا، تجاویز پر عملدرآمد سے ڈیجیٹل پاکستان کا خواب بھی بری طرح متاثر ہوگا ۔خط میں مزید لکھا گیا کہ نان فائلر ٹیلی کام صارفین سے 75 فیصد ایڈوانس ٹیکس وصولی ناقابل عمل ہے ، اس فیصلے سے آئی ٹی شعبے کی محصولات کو نقصان ہوگا،500ڈالر مالیت تک موبائل فون سیٹ پر سیلز ٹیکس کی شرح بڑھنے سے کم آمدن طبقے کی شمولیت کو نقصان ہوگا۔
