آئی ایم ایف نے بجٹ میں سخت معاشی فیصلوں کو سراہا، وفد کی آئندہ ہفتے آمد متوقع
اسلام آباد (دنیا نیوز) پاکستان اور آئی ایم ایف کے درمیان ورچوئل مذاکرات میں مثبت پیشرفت سامنے آئی ہے ۔
ذرائع کے مطابق آئی ایم ایف نے پاکستان کے حالیہ بجٹ میں سخت معاشی فیصلوں کو خوش آئند قرار دیا اور بجٹ کی منظوری میں سیاسی جماعتوں کے مثبت کردار کی تعریف کی۔ ذرائع کا کہنا ہے آئی ایم ایف نے معیشت کی بہتری کے لیے ٹیکس چھوٹ محدود کرنے کو بھی سراہا ہے ، آئی ایم ایف کا وفد جون کے آخری ہفتے میں پاکستان پہنچ سکتا ہے ۔ آئی ایم ایف کا وفد نئے قرض پروگرام پر بات چیت کے لیے پاکستان آئے گا، پاکستان نے نئے پروگرام سے قبل پیشگی شرائط پر عمل درآمد کیا اور پیشگی بیشتر اہداف حاصل کرنے میں پیشرفت کی ہے ۔ ذرائع کا کہنا ہے آئی ایم ایف کو توقع ہے کہ آئندہ مالی سال کا بجٹ 28 یا 29 جون تک منظور ہو جائے گا۔
روزنامہ دنیا ایپ انسٹال کریں
