رائس ایکسپورٹرز کی کامیاب آئیڈیاز پر آرمی چیف کو مبارکباد
کراچی (بزنس رپورٹر )رائس ایکسپورٹرز ایسو سی ایشن آ ف پاکستان (ریپ)کے سینئر وائس چیئرمین جاوید جیلانی نے آئیڈیاز نمائش 2024 کے شاندار انعقاد کو پاکستان کی دفاعی، صنعتی، اور تکنیکی ترقی کے لیے ایک اہم سنگ میل قرار دیا ہے ۔
انہوں نے آرمی چیف جنرل عاصم منیر اور انکی ٹیم کو خراج تحسین پیش کر تے ہوئے کہا کہ انکی قیادت اور وژن نے اس بڑے ایونٹ کو ممکن بنایا۔انہوں نے کہا کہ اس نمائش سے دنیا بھر میں پاکستان کا مضبوط اور پرامن تشخص اجاگر ہوا ہے بلکہ اس نے عالمی سطح پر ملک کے دفاعی نظام کی خودمختاری اور صلاحیتوں کا لوہا منوایا۔ اس نمائش سے یہ واضح ہوگیا کہ پاکستان جدید دفاعی ٹیکنالوجی اور تخلیقی صلاحیتوں کے میدان میں کسی سے کم نہیں۔ان کا کہنا تھا کہ اس طرح کی تقریبات سے بین الاقوامی برادری میں پاکستان کے ساتھ تجارتی اور دفاعی تعاون کے نئے راستے کھلتے ہیں۔
