ٹڈاپ انٹرسیک دبئی 2025 میں شرکت کرے گی
کراچی(بزنس رپورٹر)ٹریڈ ڈیولپمنٹ اتھارٹی آف پاکستان (ٹڈاپ)انٹرسیک دبئی 2025 میں قومی پویلین کے ساتھ شرکت کرے گی۔
انٹرسیک جو کہ دنیا کی معروف ایمرجنسی سروسز، سیکیورٹی اور حفاظتی ایونٹ ہے، کا 26 واں ایڈیشن 14 سے 16 جنوری 2025 تک دبئی ورلڈ ٹریڈ سینٹر (ڈی ڈبلیوٹی سی)میں منعقد ہوگا۔ ٹڈاپ ذاتی حفاظتی سازوسامان ، کارپوریٹ یونیفارم، حفاظتی لباس، دستانے ، ورک ویئر، پا ں کے تحفظ، ہاتھ/بازو کے تحفظ، فائر فائٹنگ آلات، ریسکیو آلات، انٹرنیٹ سیکیورٹی، اینٹی وائرس سافٹ ویئر، اینٹی اسپام فلٹرز، کمرشل اور آئی ٹی سیکیورٹی، بکتر بند گاڑیاں، اور دیگر متعلقہ مصنوعات کی برآمدات میں اضافے کے لیے سبسڈی والے اسٹال فراہم کر رہا ہے ۔ ٹڈاپ کے تحت، ہر اسٹال کی قیمت صرف 1,230,000 روپے (ٹیکسٹائل مصنوعات) اور 1,025,000روپے (چمڑے کی مصنوعات) ہے ، جبکہ ڈائریکٹ اسٹال کی قیمت تقریباً 1,900,000روپے ہے۔
