اسلام آباد چیمبرکا وزیراعظم کو خط ،معاشی اصلاحات کا مطالبہ
ٹیکسز کی بھرمار ، بلند شرح سود کاروبار کو مفلوج کررہے ،سردار طاہر محمود
اسلام آباد (این این آئی)اسلام آباد چیمبر کی جانب سے وزیراعظم شہباز شریف کو خط لکھا گیا ہے جس میں حکومت سے فوری معاشی اصلاحات کا مطالبہ کیا گیا ہے ۔تفصیلات کے مطابق اسلام آباد چیمبر آف کامرس اینڈ انڈسٹری کے صدر سردار طاہر محمود نے وزیراعظم کو خط لکھ دیا ہے جس میں حکومت سے فوری معاشی اصلاحات کا مطالبہ کیا گیا ہے ۔خط کے متن میں کہا گیا ہے کہ ٹیکسز کی بھرمار اور بلند شرح سود کاروبار کو مفلوج کر رہے ہیں۔ مہنگی توانائی ہر شعبے کے لیے سنگین خطرہ بن چکی ہے ۔خط میں مطالبہ کیا گیا ہے کہ رئیل اسٹیٹ سیکٹر کو صنعت کا درجہ دیا جائے ۔ سرمایہ کاروں کا اعتماد بحال کرنا وقت کی ضرورت ہے اور اوورسیز پاکستانیوں کے تحفظات دور کیے جائیں۔علاوہ ازیں خط میں کہا گیا کہ برآمدات میں نمایاں اضافے کے لیے نیشنل ایکسپورٹ ایمرجنسی ناگزیر ہے ۔ پالیسیوں میں غیر یقینی صورتحال سے سرمایہ باہر جا رہا ہے ۔
