ٹو بہ : پلاننگ اینڈ ڈیزائن کمیٹی کا اجلاس ،متعدد کیسز منظور

ٹو بہ ٹیک سنگھ (ڈسٹرکٹ رپورٹر )ڈپٹی کمشنر نعیم سندھو کی زیر صدارت ڈسٹرکٹ پلاننگ اینڈ ڈیزائن کمیٹی کا اجلاس منعقد ہوا۔۔
جس میں مجموعی طور پر نقشہ جات منظوری، کنورژن فیسوں کے حوالے سے 11کیس پیش کئے گئے ،اجلاس میں مختلف تکنیکی پہلوؤں کا جائزہ لینے کے بعد قواعد و ضوابط پر پورا اترنے والے کیسز کی منظوری دے دی گی جبکہ شرائط پر پورا نہ اترنے والے کیسز کو مزید کاروائی کے لئے موخر کردیا گیا، ڈپٹی کمشنر نعیم سندھو نے اجلاس سے خطاب کرتے ہوئے کہا کہ ضلع ٹوبہ ٹیک سنگھ میں کمرشل سرگرمیوں کا فروغ ناگزیر ہے ، نقشہ جات، کنورژن فیسوں کی منظوری سے قبل تمام قواعدو ضوابط کو ملحوظ خاطر رکھا جائے اور خاص طور پر پارکنگ کی جگہ فراہم کئے بغیر کوئی نقشہ منظور نہ کیا جائے ،ڈپٹی کمشنر نے کہا کہ ڈسٹرکٹ پلاننگ اینڈ ڈیزائن کمیٹی ایک موثرفورم ہے ، جسے ممبران کی مشاورت سے مزید فعال کیا جائے گا، تاکہ مستقبل کی منصوبہ سازی میں کوئی ابہام باقی نہ رہے ،انہوں نے کہا کہ تمام ممبران آزادانہ طور پر اس کمیٹی میں اپنی آراء دیں، تاکہ بہتر فیصلے کئے جا سکیں،اجلاس میں چیف افسران میونسپل کمیٹیز / ضلع کونسل سمیت ٹریفک پولیس، ہائی ویز، بلڈنگ، ہاوسنگ، ماحولیات اور دیگر متعلقہ محکموں کے حکام نے شرکت کی۔