فیسکو کی دن گیارہ سے ایک بجے تک کھلی کچہریاں جاری
فیصل آباد(سٹاف رپورٹر)وفاقی وزیر توانائی اویس لغاری اور چیف ایگزیکٹو فیسکو ا نجینئر محمد عامر کی خصوصی ہدایات کی روشنی میں فیسکو ریجن میں صارفین بجلی کے مسائل فوری طور پر ان کی دہلیز پر حل کرنے کیلئے دن گیارہ بجے سے دوپہر ایک بجے تک کھلی کچہریوں کے انعقاد کا سلسلہ جاری ہے۔
کھلی کچہریوں میں فیسکو کے اعلیٰ افسربھی عوام الناس کے بجلی سے متعلقہ مسائل کے حل کیلئے شرکت کر رہے ہیں تاکہ عوام کے مسائل کو باآسانی اور وقت پر مروجہ قونین کے تحت اورمیرٹ پر حل کیا جا سکے ۔ صارفین بجلی کی جانب سے فیسکو کو اس اقدام کو بے حد سراہا جا رہا ہے ۔فیسکو انتظامیہ نے صارفین سے اپیل کی ہے کہ وہ کھلی کچہریوں میں بھرپورشرکت کریں اور اپنے بجلی سے متعلقہ مسائل کا فوری ازالہ ممکن بنائیں۔ گذشتہ روز فیسکو ریجن کے تمام148 سب ڈویژنوں میں کھلی کچہریوں میں عوام الناس کی طرف سے اووربلنگ، خراب میٹروں کی تبدیلی، بجلی کے انقطاع، خراب ٹرانسفارمرز اور نیو کنکشنز کی کل692شکایات موصول ہوئیں جن میں سے 692شکایات کا فوری ازالہ کر دیا گیا۔ فیسکو فرسٹ سرکل میں کل220شکایات میں سے 220کا ازالہ کیا گیاان میں اووربلنک کی ایک، خراب میٹرز کی50، سپلائی بندش کی72، نیو کنکشن 15اور دیگر 82شکایات موصول ہوئیں۔
