مرمت کا کام نہ ہونے سے درجنوں سڑکیں ٹوٹ پھوٹ کا شکار
گوجرانوالہ(سٹی رپورٹر) مون سون کی بارشوں کے سبب گوجرانوالہ اور گردونواح کی سڑکیں ٹوٹ پھوٹ کا شکار ہوگئیں محکمہ ہائی وے ،واسا ،میونسپل کارپوریشن اور پبلک ہیلتھ انجینئرنگ کی غفلت اور۔۔۔
عدم توجہی کے باعث کروڑوں روپے کی لاگت سے تعمیر ہونے والی گوجرانوالہ کی درجنوں سڑکوں کا پیچ ورک بھی نہ ہوسکا، اندرون شہر کے بیشتر روڈزکھنڈرات کی شکل اختیار کرگئے ،جگہ جگہ ٹوٹ پھوٹ کا شکار ہونے سے ٹریفک کی آمدورفت میں بھی شدید دشواری کا سامنا ہے ،ذرائع کے مطابق محکمہ ہائی وے ’محکمہ بلدیات، واسا ،جی ڈی اے کے افسران کی عدم توجہی اور لاپروائی سے متعددسڑکوں کا پیچ ورک مرمت نہ ہونے سے اکثر روڈز کھنڈرات میں تبدیل ہو گئے ، سیالکوٹ روڈ،گوندلانوالہ روڈ،ماڈل ٹاؤن ،جناح روڈ ،جی ٹی روڈ،حافظ آباد روڈ کے سروس روڈز و دیگر چھوٹی بڑی سڑکیں ضروری مرمت پیچ ورک نہ ہونیکی وجہ سے خطرناک گڑھوں و کھنڈرات میں تبدیل ہو رہی ہیں ۔
