این ایل سی کا ایک اور سنگ میل عبور ، نیا تجارتی راستہ کھول دیا
اسلام آباد(دنیا نیوز)ملک میں علاقائی تجارت کو فروغ دینے کیلئے نیشنل لاجسٹک کارپوریشن نے ایک اہم سنگ میل عبور کر لیا۔
این ایل سی نے اس سنگ میل کیساتھ نہ صرف وسطی ایشیائی ریاستوں بلکہ روس اور مشرقی یورپ کے ساتھ بھی نیا تجارتی راستہ کھول دیا ۔وسطی ایشیا کے ایک اوراہم ملک کے ساتھ تجارت بڑھانے کیلئے این ایل سی نے موثر طریقے سے رسائی حاصل کی۔
این ایل سی کا پہلا ٹرک 6 ٹن چیری کو لے کرکامیابی کے ساتھ درہ خنجراب سے چین پہنچا جبکہ دوسری کھیپ اگلے ہفتے گلگت بلتستان سے روانہ ہوگی۔ گزشتہ برس این ایل سی نے ٹی آئی آر سسٹم کے تحت پاکستان سے کرغستان کے راستے پہلا دو ٹرکوں پر مشتمل برآمدی کارگو ادویات لے کر بشکیک پہنچا تھا۔۔ سی پیک کے ساتھ ٹی آئی آر کے فعال ہونے کے بعد چین اور پاکستان کے درمیان تجارت مزید مستحکم ہوگی۔ رواں سال مارچ میں چین سے کُل 27 گاڑیاں خنجراب کے راستے پاکستان میں داخل ہوئیں ۔
