سکھ برادری کی خواتین کو سروے میں سہولت دی جائے، روبینہ خالد
اسلام آباد (سٹاف رپورٹر) چیئرپرسن بینظیر انکم سپورٹ پروگرام سینیٹر روبینہ خالد نے بونیر میں پیر بابا گردوارے کا دورہ کیا جہاں انہوں نے سکھ برادری کی خواتین سے ملاقات کی۔
انہوں نے سکھ خواتین کی بینظیر انکم سپورٹ پروگرام میں رجسٹریشن کے طریقہ کار کے حوالے سے رہنمائی کی اور بی آئی ایس پی دفتر بونیر کے عملے کو ہدایت کی کہ وہ سکھ برادری سے تعلق رکھنے والی مستحق خواتین کو سروے میں سہولت فراہم کرے۔ انہوں نے سکھ خواتین سے کہا کہ سروے کے عمل کے بعد مستحق و غریب خواتین کو بینظیر انکم سپورٹ پروگرام میں شامل کر لیا جائیگا۔ ایسی خواتین جن کے گھر میں معذور افراد ہوں وہ نادرا سے معذوری سرٹیفکیٹ حاصل کریں تاکہ ان گھرانوں کو ترجیحی بنیادوں پر پروگرام میں شامل کیا جاسکے۔
روزنامہ دنیا ایپ انسٹال کریں
