آل پاکستان ویمن روئنگ چیمپئن شپ یونیورسٹی آف لاہور نے میدان مارلیا
راولپنڈی (نیوز رپورٹر) راولپنڈی ویمن یونیورسٹی کے زیرِاہتمام آل پاکستان ویمن روئنگ چیمپئن شپ اختتام پذیر۔ یونیورسٹی آف لاہور نے پہلی پوزیشن حاصل کر کے گولڈ میڈل اور ٹرافی اپنے نام کی۔۔۔
پنجاب یونیورسٹی نے دوسری اور لاہور گیریژن یونیورسٹی نے تیسری پوزیشن حاصل کی۔ اختتامی تقریب کی مہمانِ خصوصی سابق معاونِ خصوصی وزیرِ اعظم برائے انسانی حقوق و خواتین کی ترقی مشعال ملک تھیں۔ انہوں نے خطاب کرتے ہوئے کہا کہ پاکستان کی خواتین کھیلوں سمیت زندگی کے ہر شعبے میں نمایاں صلاحیتوں کی حامل ہیں اور اس نوعیت کے مقابلے نوجوان کھلاڑیوں کو قومی سطح پر آگے بڑھنے کے بھرپور مواقع فراہم کرتے ہیں۔ انہوں نے راولپنڈی ویمن یونیورسٹی کی جانب سے ایونٹ کے انعقاد کو قابل تحسین قرار دیتے ہوئے کہا کہ خواتین کی بڑھتی ہوئی شرکت اس بات کا ثبوت ہے کہ ملک میں کھیلوں کا ماحول مثبت اور حوصلہ افزا سمت میں آگے بڑھ رہا ہے۔
