منشیات کے خاتمہ کیلئے ملکر کام کرنا ہوگا، حمیرا عظم
ڈویژنل ڈائریکٹر پنجاب کاؤنٹر نارکوٹکس فورس کا سویٹ ہومز کا دورہ، مریضوں سے ملاقات
اسلام آباد (دنیا رپورٹ) ڈویژنل ڈائریکٹر حمیراعظم پنجاب کاؤنٹر نارکوٹکس فورس راولپنڈی نے چکری میں واقع سویٹ ہومز بحالی مرکز کا دورہ کیا اور منشیات کی لت سے نجات کیلئے زیرِ علاج افراد سے ملاقات کی۔ ڈائریکٹر نے سینٹر میں دیکھ بھال کے معیار، دستیاب سہولیات اور لوگوں کو صحتیابی کی راہ پر گامزن کرنے میں عملے کے جذبے اور لگن کو سراہا۔ انہوں نے مقیم افراد کے ساتھ ایک نشست بھی منعقد کی، جس میں افراد، خاندانوں اور معاشرے پر منشیات کے استعمال کے سنگین نتائج کو اجاگر کیا گیا۔ انہوں نے زیرِ علاج افراد کی حوصلہ افزائی کی کہ وہ اپنی بحالی کے سفر میں ثابت قدم رہیں اور تاکید کی کہ اس لعنت کی طرف دوبارہ کبھی نہ لوٹیں۔ ہم مل کر ایک منشیات سے پاک معاشرہ تشکیل دے سکتے ہیں۔
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments