انسانی حقوق کی آڑ میں منشیات کا دھندا،این جی او بے نقاب
کراچی(اسٹاف رپورٹر)اے اینٹی نارکوٹکس فورس (اے این ایف)نے تعلیمی اداروں کو منشیات سے پاک کرنے کی جنگ میں بڑی کامیابی حاصل کی ہے ۔کراچی کے علاقے لانڈھی میں اِنسانی حقوق کی آڑ میں منشیات جیسے مکروہ دھندے میں ملوث این جی او کو بے نقاب کردیا۔
انتہائی مہارت اور ٹیکنیکل بنیادوں پر ایک مضبوط گروہ سرغنہ سمیت گرفتار کرلیا گیا۔تفصیلات کے مطابق تعلیمی اداروں میں منشیات فروخت کرنے والی خاتون کو ساتھیوں سمیت گرفتار کرلیا گیا ہے ۔ترجمان اے اینٹی نارکوٹکس فورسکے مطابق ملزمان نے کراچی کی معروف یونیورسٹیوں اور ہاسٹلز میں طلباء کو منشیات اسمگلنگ کرنے کا انکشاف کیا ہے ۔یہ گروہ خاتون کے ذریعے کراچی،حیدرآباد اور اس کے ملحقہ علاقوں میں طلباء کو منشیات فروش کرتا تھا۔ اے این ایف نے خفیہ اطلاع کے ذریعے ڈرگ کیرئیر خاتون کو ٹنڈو آدم سے کراچی پہنچتے ہی منشیات سمیت گرفتار کر لیا جب کہ ملزمہ کی نشاندہی پر دیگر دو ساتھیوں کو بھی گرفتار کر لیا گیا۔تینوں ملزمان سے 1.5 کلو گرام ہیروئن برآمد ہوئی جب کہ ان کی گاڑی کی تلاشی کے دوران مختلف پریس کارڈز ، پریس مونو گرام، جعلی نمبر پلیٹیں بھی برآمد ہوئیں ۔دورانِ تفتیش ملزمان نے حیدرآباد میں بھی منشیات اسمگلنگ کا انکشاف کیا۔ ملزمان کے دیگر ساتھیوں کی گرفتاری کیلئے چھاپے مارے جارہے ہیں جبکہ مقدمات درج کر کے مزید تحقیقات آغاز کر دیا گیا ہے ۔
