جنجال گوٹھ ،موٹرسائیکلوں میں تصادم،نوجوان جاں بحق
کراچی(اسٹاف رپورٹر)شہر قائد میں مختلف حادثات میں 2 نوجوان جاں بحق ہو گئے ۔پولیس کے مطابق سپر ہائی وے جنجال گوٹھ کے قریب 2 موٹر سائیکلوں کے درمیان تصادم میں 6 افراد شدید زخمی ہوگئے ۔۔
جنہیں فوری طبی امداد کے لیے عباسی شہید اسپتال منتقل کیا گیا۔دوران علاج ایک نوجوان زخموں کی تاب نہ لاتے ہوئے دم توڑ گیا، جس کی شناخت 18 سالہ راجو ولد تلسی کے نام سے کی گئی ۔ ریسکیو حکام کا کہنا ہے کہ شدید زخمی ہونے والے 5 افراد کی شناخت 15 سالہ ساگر ، 18 سالہ اجے ، 15 سالہ کرن ، 40 سالہ ارشد اور 18 سالہ حمزہ کے نام سے کی گئی۔زخمیوں میں 3 بھائی بتائے جاتے ہیں۔علاوہ ازیں ملیر کالا بورڈ کے قریب تیز رفتار گاڑی کی ٹکر سے موٹرسائیکل سوار نوجوان جاں بحق ہوگیا ، شناخت 19 سالہ کامران ولد جاوید کے نام سے کی گئی ۔ متوفی ملیر کا رہائشی تھا ۔
روزنامہ دنیا ایپ انسٹال کریں
