اسرائیلی جارحیت کے خلاف وحدت مسلمین کے مظاہرے و ریلیاں
کراچی (اسٹاف رپورٹر)ایران پر اسرائیلی جارحیت کے خلاف مجلس وحدت مسلمین سندھ کی جانب سے بعد نماز جمعہ احتجاجی مظاہرے و ریلیاں نکالی گئیں۔
جبکہ مرکزی احتجاجی مظاہرا جامع مسجد خوجا اثناء عشری کھاردر کے باہر کیا گیا جس میں مظاہریں نے امریکہ واسرائیل کے خلاف شدید نعرے بازی کی۔احتجاجی مظاہرے سے خطاب میں صوبائی صدر علامہ سید باقر عباس زیدی کا کہنا تھا کہ اسرائیل کا وجود خطہ میں ناسور بنتا جارہا ہے ۔خطہ میں امریکی و صہیونی عزائم کبھی کامیاب نہیں ہوں گے ۔ انہوں نے کہا کہ غاصب اسرائیل و امریکہ کو خطہ میں شکست کا سامنا ہے صہیونی جارحیت نے پورے خطہ کے امن کو تباہ کر دیا ہے ۔ امت مسلمہ کو داخلی و خارجی سازشوں کا شکار کر کے کمزور کیا جارہا ہے ۔انہوں نے کہا کہ اسلامی ممالک آج اگر ایران کا ساتھ نہیں دیں گے تو کل ان کی بھی بقاء کا مسئلہ بن جائے گا۔
روزنامہ دنیا ایپ انسٹال کریں
