پولیس مقابلوں میں 2ڈاکو زخمی حالت میں گرفتار
کراچی (اسٹاف رپورٹر )عوامی کالونی اور خواجہ اجمیر نگری پولیس نے مبینہ مقابلوں میں 2 ڈاکوؤں کو زخمی حالت میں گرفتار کر کے اسلحہ اور دیگر سامان برآمد کر لیا ۔
تفصیلات کے مطابق عوامی کالونی پولیس نے جمعرات اور جمعہ کی درمیانی شب باغ کورنگی جنگل شاہ مزار کے قریب سے مبینہ مقابلے کے بعد ایک ڈاکو کو زخمی حالت میں گرفتار کر لیا ، زخمی حالت میں گرفتار ملزم کو طبی امداد کے لیے جناح اسپتال منتقل کیا گیا ، ترجمان کراچی پولیس کے مطابق زخمی حالت میں گرفتار ملزم کی شناخت شرجیل خالد ولد خالد انور کے نام سے کی گئی ، گرفتار ملزم کا ایک ساتھی فرار ہونے میں کامیاب ہوگیا ، گرفتار ملزم سے ایک پستول ، موبائل فون ، نقد رقم اور موٹرسائیکل برآمد کی گئی ، خواجہ اجمیر نگری پولیس نے جمعرات اور جمعہ کی درمیانی شب نارتھ کراچی بابا موڑ سیکٹر1-A/4 روٹ نمبر 4/J بس اسٹاپ کے قریب سے مبینہ مقابلہ کے بعد ایک ڈاکو کو زخمی حالت میں گرفتار کر لیا ، زخمی حالت میں گرفتار ڈاکو ایدھی ایمبولینس کے ذریعے عباسی شہید اسپتال منتقل ، زخمی حالت میں گرفتار ڈاکو کی شناخت 28 سالہ سہیل عرف شکرا ، عرف بنگالی ولد وحید محبوب کے نام سے کی گئی ، گرفتار ملزمان کے دیگر 2 ساتھی ساتھی موقع سے فائرنگ کرتے ہوئے فرار ہونے میں کامیاب ہوگئے ،ملزم سے ایک کلاشنکوف موبائل فون اور ایک چھینی گئی کار بھی برآمد کرلی گئی ۔
