کمشنر کاذوالفقار آباد ٹرمینل کے دورے کافیصلہ، مسائل حل کرنیکاعزم
کراچی (اسٹاف رپورٹر)کمشنر کراچی سید حسن نقوی نے ذوالفقار آباد ٹرمینل کا رواں ہفتے دورہ کر نے کا فیصلہ کیا ہے ۔
دورے میں ذوالفقار آباد ٹرمینل کے مسائل کے حل کیلئے دورے میں اعلیٰ سطح کا اجلاس ہوگا ۔یہ فیصلہ کمشنر آفس میں ایک اجلاس میں کیا گیا جس میں ایڈیشنل کمشنر سید غلام مہدی شاہ،ڈی آ ئی جی ٹریفک سید پیرمحمد شاہ ، ڈی سی ساؤتھ جاوید نبی کھوسوودیگرنے شرکت کی۔ کمشنر نے اجلاس میں تمام اداروں سے بریفنگ لی جس میں کمشنر کو بتا یا گیا کہ 3200 ٹینکرزکوپارک کرنے کی کے ایم سی نے سہولتیں جس میں 1400 دکانیں ، ور کشاپ اورمساجد جیسی سہولیات شامل ہیں مہیا کی ہیں ۔ٹینکرز ایسو سی ایشن کے نمائندوں نے کمشنر کو آگاہ کیا اور یقین دہانی کرائی کہ ہمیں یہ سہولتیں مہیا کر دی جائیں، ہم فوراً شیریں جناح کالونی سے وہاں شفٹ ہو جائینگے ۔ کمشنر نے اجلاس کو آگاہ کیا کہ میں بذات خود اس جگہ کا دورہ کرونگا اور تمام مسائل کو حل کرونگا ۔ ا نہوں نے پولیس چوکی اور ورکشاپ کے قیام کے لئے فوراً حل کرنے کے لئے متعلقہ حکام کو ہدایت کی۔ انہوں نے کے ایم سی کے نمائندے فیصل رضوی کو ہدایت کی کہ آئندہ دو روز میں آ ئیل ٹینکرز اور کنٹریکٹر ز ایسوسی ایشن اور متعلقہ اداروں کے ساتھ میٹنگ کریں اور مجھے رپورٹ دیں۔کمشنر نے ایسو سی ایشن کو یقین دہانی کرائی کہ یہ مسئلہ جلد حل کر لیا جائے گا۔
