ضلع بھر میں 6رمضان بازار قائم کئے جائینگے :ڈی سی
سانگلاہل،شاہکوٹ،واربرٹن،موڑ کھنڈا،سید والا ، ننکانہ سٹی شامل ہیں
ننکانہ صاحب ،سانگلاہل(خبرنگار،تحصیل رپورٹر)حکومت پنجاب کی ہدایت پررمضان میں عوام کو اشیا خورونوش رعائتی نرخوں پر فراہمی کیلئے ضلع بھر میں 6رمضان بازار قائم کئے جائینگے ،رمضان بازار سانگلاہل،شاہکوٹ،واربرٹن،موڑ کھنڈا،سید والا اور ننکانہ سٹی میں قائم کئے جائینگے ،بازار12اپریل تک مکمل طور پر فعال کردئیے جائینگے ، ڈپٹی کمشنر ننکانہ راجہ منصور احمد نے کہا کہ تمام پرائس کنٹرول مجسٹریٹس وانتظامی افسر رمضان بازاروں میں ہمہ وقت موجود رہیں گے ،تمام متعلقہ محکموں کوچاہئے کہ وہ اپنی پیشہ وارانہ ذمہ داریوں کو نہ صرف ملکی و قومی بلکہ مذہبی و اخلاقی جذبے سے سرشار ہوکر ادا کریں۔
روزنامہ دنیا ایپ انسٹال کریں
