لاہور کے داخلی و خارجی راستوں کو اپ گریڈ کرنے کرنے کا فیصلہ
لاہور (این این آئی) وزیراعلیٰ پنجاب کے حکم پر لاہور کے داخلی وخارجی راستوں کو اپ گریڈ کرنے کا فیصلہ کر لیا گیا۔
اس حوالے سے لاہورپولیس نے ایل ڈی اے اور پولیس کی مشترکہ ٹیموں کوٹاسک سونپ دیئے ۔ ابتدائی طور پر بابو صابو، سگیاں، پل راوی سمیت 6 داخلی وخارجی پوائنٹس کو اپ گریڈ کیا جائے گا ۔ذرائع کے مطابق ٹھوکر نیاز بیگ کی طرز پر خوبصورت انٹری پوائنٹ وپولیس ناکوں کو منظم کیاجائے گا ۔ پولیس حکام کے مطابق ناکوں پر پولیس کے لئے خوبصورت اور آرام دہ کمرے بنائے جائیں گے ۔وزیراعلی نے ہدایات کی ہیں کہ خواتین کی چیکنگ کے لئے خصوصی انتظامات ناکوں پرکیے جائیں۔
روزنامہ دنیا ایپ انسٹال کریں
