5 ماہ کے دوران 9720 شہریوں کی جیبیں کاٹ لی گئیں
لاہور(این این آئی)صوبائی دارالحکومت میں جیب تراشوں نے رواں سال کے پہلے 5 ماہ کے دوران 9720 شہریوں کی جیبیں کاٹ ڈالیں۔
پولیس ریکارڈ کے مطابق جیب تراشی کی وارداتوں میں سٹی ڈویژن 2672 مقدمات کے ساتھ سر فہرست رہا،ماڈل ٹاؤن ڈویژن جیب تراشی کی 2016 وارداتوں کے ساتھ دوسرے ،صدر ڈویژن جیب تراشی کے 1766 مقدمات کے ساتھ تیسرے ،اقبال ٹاؤن ڈویژن میں 1276، سول لائنز ڈویژن میں جیب تراشی کے 1248 مقدمات درج کئے گئے ،کینٹ ڈویژن میں 5 ماہ کے دوران جیب تراشی کی 742 وارداتیں رپورٹ ہوئیں، جیب تراشی کی بیشتر وارداتیں پرہجوم مقامات، مزارات، بازاروں، بس اڈوں اور جنازوں میں ہوئیں۔
روزنامہ دنیا ایپ انسٹال کریں
