گندم کی بہتر پیداوار کے لیے سفارشات جاری
لاہور(اے پی پی)صوبہ پنجاب میں گزشتہ پانچ دنوں سے درجہ حرارت میں مسلسل اضافہ ہورہا ہے ۔ مزید برآں آنے والے اگلے سات دنوں میں درجہ حرارت میں مزید اضافے کی پیش گوئی کی گئی ہے ۔
اس لئے بارانی علاقہ جات میں گندم کے کاشتکارفصل کی ضرورت کے مطابق آبپاشی کے تمام ممکنہ وسائل و ذرائع بروئے کار لائیں۔اس کے علاوہ یوریا یا پوٹاشیم نائٹریٹ (قلمی شورہ) کا2فیصد محلول بحساب 100 تا120 لٹرفی ایکڑ سپرے کریں۔ بہتر نتائج کیلئے یہی سپرے 7 دن کے وقفے کے بعد دوبارہ کریں۔اس کے ساتھ بارانی گندم کے کاشتکار فصل کا باقاعدگی سے معائنہ کریں ۔
روزنامہ دنیا ایپ انسٹال کریں
