کسی شر پسندی کا حصہ نہ بنیں‘امن قائم کریں:ڈپٹی کمشنر
کوٹ ادو( تحصیل رپورٹر)ڈپٹی کمشنر کوٹ ادو سید منورعباس بخاری،ڈی پی او مظفرگڑھ ڈاکٹر محمد رضوان احمد کی زیر صدارت کوٹ ادو ضلعی ممبر امن کمیٹی کا اجلاس منعقدہوا۔
اجلاس میں ڈپٹی کمشنر کوٹ ادو سید منور عباس بخاری نے امن کمیٹی کے ممبران کو خوش آمدیدکے بعد کہا کہ آپ تمام امن کے داعی ہیں آپکی خدمات اور ہماری کوششوں سے علاقہ امن کا گہوارہ ہوگا، ڈپٹی کمشنر کوٹ ادو سید منور عباس کا کہنا تھا کہ محرم الحرام کی آمد ہے ،محرم الحرام ہمیں صبرکا درس دیتا ہے ہمیںچاہیے ہم کسی شر پسندی کا حصہ نہ بنیں ہر قسم کا امن قائم کریں،ڈپٹی کمشنرنے کہا کہ ہم اپنی قوم سے گزارش کرتے ہیں اپ کسی شر پسندی کا حصہ نہ بنیں کسی ایسی پوسٹ کو شیئر نہ کریں جو شر پسندی کو ہوا دے ،انہوں نے مزید کہا کہ محرم الحرام میں انتظامیہ کیساتھ مکمل تعاون ہوگا،اجلاس میں اسسٹنٹ کمشنر کوٹ ادو میر رومان خلیل،اسسٹنٹ کمشنر چوک سرور شہید شعیب بوسن ،اے ایس پی مظفرگڑھ محمد علی،ڈی ایس پی کوٹ ادو عبدالغفار خان،ڈی ایس پی سنانواں ،ڈی ایس پی چوک سرورشہیدو دیگر اداروں کے سربراہان بھی موجود تھے ۔
