بی زیڈ یو :اکیڈمک سٹاف کی پی ایس اور گارڈ سے بدتمیزی
وی سی سے ملنے نہیں دیا گیا، دھکے دئیے ، ایسوسی ایشن کے عہداروں کا مؤقف رجسٹرار سے ملاقات کر کے تحفظات سے آگاہ کیا، حل کرانے کی یقین دہانی
ملتان (خصوصی رپورٹر)اکیڈمک سٹاف ایسوسی ایشن کے نومنتخب عہدیداروں کی مبینہ طورپر وی سی کے پی ایس اور گارڈ سے بدتمیزی، آفیسرز کو تحفظات ۔تفصیل کے مطابق زکریا یونیورسٹی کے اکیڈمک سٹاف ایسوسی ایشن کے نومنتخب عہدیداروں کی طرف سے وائس چانسلر کے پی ایس اور ان کے سکیورٹی گارڈ سے بد تمیزی کا کیس سامنے آگیا۔ ذرائع کا کہناہے کہ عہدیداروں کا ایک وفد وائس چانسلر سے ملنے پہنچا تو وی سی ڈاکٹر زبیر نے صرف ایک شخص کو اندار آنے کی اجازت دی جس پر پی ایس نے وفد کو وائس چانسلر کے احکامات کا بتایا تو وہ طیش میں آگئے اورپی ایس کو سخت الفاظ کہے ، بعدازں جب گارڈز نے روکنے کی کوشش کی تواس کودھکے دئیے اور وائس چانسلر کے آفس میں گھس گئے جہاں وائس چانسلر سے سخت الفاظ کاتبادلہ ہوا اور ڈاکٹر زبیر غوری کوٹ اٹھا کر سیٹ چھوڑ گئے ۔وفد نے واپسی پر ایک بار پھر پی ایس کو برا بھلا کہا اور چلے گئے ۔ واقعہ پر ایسوسی ایشن افسروں نے شدید تحفظات کا اظہار کیااور رجسٹرار سے ملاقات کی ۔انہوں نے وائس چانسلر تک ان کے تحفظات پہنچانے اور ان کو حل کرانے کی یقین دہانی کرائی ۔دوسری طرف وفد کے ذرائع کا کہناہے کہ گارڈزنے خواتین کو دھکے دئیے جس پر ردعمل کااظہار کیاگیا ۔وائس چانسلر کومسائل بتانے گئے تھے مگر وہ دفتر چھوڑ گئے ۔
