بھارت:گوگل میپ سے دھوکا حادثے میں 3مسافر ہلاک
بھارت(مانیٹرنگ ڈیسک)گوگل میپ کے کلیئر دکھائے جانے والے راستے پر جاتے ہوئے گاڑی زیر تعمیر پل سے گرگئی اور 3 افراد جاں بحق ہوگئے۔
گوگل میپ کے بتائے گئے راستے پر سفر کرنے والی گاڑی کے زیر تعمیر پل سے گرنے سے 3 افراد ہلاک ہوگئے ۔بھارتی میڈیا کے مطابق گزشتہ شب بدایوں شہر سے فرید پور قصبے کی طرف جاتی گاڑی بریلی میں رام گنگا ندی پر زیر تعمیر پُل سے نیچے جا گری۔50 فٹ کی بلندی سے گرنے پر گاڑی میں سوار 2 بھائیوں سمیت 3 نوجوان موقع پر ہی ہلاک ہوگئے ۔اہلخانہ کے مطابق نوجوان گوگل میپ کی رہنمائی میں سفر کر رہے تھے ، جی پی ایس نے پُل کا راستہ کلیئر دکھایا لیکن آگے جا کر پُل موجود نہیں تھا۔اہلخانہ کا کہنا ہے کہ انتظامیہ نے زیر تعمیر پُل پر کوئی رُکاوٹ لگائی ہوتی تو افسوسناک حادثہ پیش نہ آتا۔پولیس کے مطابق حادثے کی مزید تحقیقات جاری ہیں۔
روزنامہ دنیا ایپ انسٹال کریں
