اسلام مخالف مواد،مہوش حیات کی بھارتی فلمسازوں پر تنقید
اداکارہ مہوش حیات نے اسلام و پاکستان مخالف فلم پر بھارتی فلمسازوں پرتنقید کی ہے
کراچی (آئی این پی) مہوش نے سوشل میڈیا پر اپنے خیالات کا اظہار کرتے ہوئے لکھا کہ سوریاونشی بالی ووڈ میں اسلامو فوبیا کو فروغ دینے والی تازہ ترین فلم ہے ۔ ہالی ووڈ میں لہروں کا رخ تبدیل ہوچکا ہے اور مجھے امید ہے کہ بھارت بھی ان کی پیروی کرے گا۔ جیسا کہ میں نے کہا، اگر مثبت عکاسی نہیں تو کم از کم اس طریقے سے انصاف کریں جس طرح سے آپ مسلمانوں کو دکھاتے ہیں۔ واضح رہے کہ اکشے کمار اورکترینہ کیف کی نئی فلم سوریاونشی میں مسلمانوں کی انتہائی منفی تصویرکشی کی گئی ہے ۔ فلم سوریا ونشی پولیس افسروں کے ایک گروپ کے بارے میں ہے جو پاکستان سے سرحد پارکرکے ممبئی حملوں کی منصوبہ بندی کرنے والے دہشتگردوں کا پیچھا کررہے ہیں۔
روزنامہ دنیا ایپ انسٹال کریں
