میرے بچے میری بات مانتے ہیں نہ مشورہ لیتے :عامر خان
ممبئی(شوبزڈیسک )بالی وڈ کے سپر سٹار عامر خان نے انکشاف کیا ہے کہ ان کے بچے ان کی بات نہیں مانتے اور۔۔
نہ ہی مشورہ لیتے ہیں۔اداکار نے نیٹ فلکس میں ‘دی گریٹ انڈین کپل شو’ میں پہلی مرتبہ شرکت کی اور اپنی زندگی کے مختلف تجربات شیئر کیے ۔عامر خان کا کہنا تھا کہ وہ اپنے والدین کی بات سنا کرتے تھے اور وہ سمجھتے تھے کہ ایک ایسا وقت آئے گا جب ان کے بچے ان کی باتیں سن کر عمل کریں گے ۔ ان کی نسل کہیں بیچ میں پھنس کر رہ گئی ہے اور جب وہ والدین بنے تو بچے ہی بدل گئے ، پہلے والدین ڈانٹتے تھے اور اب بچے ایسا کرتے ہیں۔عامر خان کا مزاحیہ انداز میں کہنا تھا کہ انڈسٹری کے دوسرے بڑے فنکار اپنے بچوں کو مشورہ دینے کیلئے ان کے پاس بھیجتے ہیں لیکن ان کے اپنے بچے انہیں اہمیت ہی نہیں دیتے ۔
روزنامہ دنیا ایپ انسٹال کریں
