بالی ووڈ اداکارہ سوارا بھاسکر کا رسول اکرم ؐ سے عقیدت کا اظہار
ممبئی (شوبزڈیسک )بالی ووڈ اداکارہ سوارا بھاسکر نے رسول اکرم ؐ سے اپنی عقیدت کا اظہار کرتے ہوئے کہا کہ حضور ؐ کی عزت اور محبت کسی خاص مذہب یا قوم تک محدود نہیں۔
انتخابی مہم کے دوران اپنے مسلمان شوہر فہد احمد کے ہمراہ جلسوں اور ریلیوں میں شرکت کرتے ہوئے سوارا بھاسکر نے کہا کہ نبی کریم ؐ کے لیے احترام دل میں پیدا ہونے کے لیے یہ ضروری نہیں کہ کوئی شخص کس قوم یا مذہب سے تعلق رکھتا ہو۔سوارا بھاسکر نے انسٹاگرام پر اپنی ایک ویڈیو شیئر کی جس میں انہوں نے ان پر لگنے والے مختلف الزامات کا تذکرہ کرتے ہوئے واضح کیا کہ وہ ایک ہندو گھرانے میں پیدا ہوئیں لیکن ایک مسلمان شخص فہد احمد سے شادی کی۔ انہوں نے اپنی شادی پر ہونے والی تنقید کا بھی جواب دیا اور کہا کہ عقیدت اور محبت انسانی جذبات ہیں جو کسی ذات یا مذہب کی قید میں نہیں آتے ۔ حالیہ دنوں فہد احمد نے مہاراشٹر اسمبلی کے انتخابات میں نیشنلسٹ کانگریس پارٹی کے ٹکٹ پر حصہ لیا، جس دوران سوارا نے ان کے لیے انتخابی مہم میں حصہ لیتے ہوئے شوہر کو خوب سپورٹ کیا۔
