ہانیہ عامر سے خوفزدہ بھارتیوں کو بشریٰ انصاری نے للکار دیا
لاہور(شوبزڈیسک ) سینئر اداکارہ بشریٰ انصاری نے اپنے تازہ ویلاگ میں ہانیہ عامر کی صلاحیتوں کی تعریف کرتے ہوئے۔۔
بھارتیوں کے رویے پر سوال اٹھا تے ہوئے کہاکہ ہانیہ ایک پروفیشنل اداکارہ ہے جو ہر حالات میں اپنے کام سے مخلص ہے ۔ گرمی ہو یا سردی، وہ اپنی پرفارمنس سے سمجھوتہ نہیں کرتی۔ ’بشریٰ نے بھارتی مداحوں کے رویے پر تنقید کرتے ہوئے کہا کہ جب ہانیہ نے فلم سردارجی 3سائن کی تو سب ٹھیک تھا، اب کیوں بچگانہ رویہ؟ کیا ایک نوجوان لڑکی سے آپ کو خطرہ محسوس ہوا؟ انہوں نے ماضی میں فواد خان کے ساتھ پیش آنے والے واقعات کو بھی یاد دلایا۔ اداکارہ نے سیاست کو بھی نشانہ بناتے ہوئے الزام لگایا ‘‘مجھے یقین ہے کہ پہلگام کا واقعہ جان بوجھ کر کروایا گیا تھا، کیونکہ مودی جی نہیں چاہتے کہ بھارت اور پاکستان مل کر کچھ کریں،بشریٰ انصاری نے جاوید اختر پر تنقید کرتے ہوئے کہا ‘‘ہم لتا منگیشکر جی کو کیوں نہیں بلا سکتے تھے ؟ شاید ہم انہیں افورڈ نہیں کرسکتے تھے ، لیکن وہ ہمیشہ لیجنڈ رہی ہیں۔ ایسی باتیں نہیں ہونی چاہئیں۔
