نشترکالونی :پولیس مقابلہ،ڈاکوساتھیوں کی فائرنگ سے ہلاک
کاہنہ (نمائندہ دنیا)آرگنائزڈکرائم یونٹ ماڈل ٹاؤن اور ڈاکوؤں میں مقابلہ ،لاہور سمیت پنجاب کے مختلف شہروں میں104 سے زائد وارداتوں میں ملوث خطرناک ڈاکو دانش مسیح عرف چھوٹا نویداپنے ہی ساتھیوں کی فائرنگ سے ہلاک ہوگیا۔
پولیس ٹیم ملزم کو جسمانی ریمانڈ پر ساتھیوں کی گرفتاری او رریکوری کیلئے تھانہ نشترکالونی کے علاقے میں لے جارہی تھی کہ4ملزموں نے اپنے ساتھی کو چھڑوانے کیلئے پولیس پارٹی پر اندھا دھند فائرنگ کر دی، ساتھیوں کی فائرنگ سے ڈاکو دانش مسیح شدید زخمی ہو گیا ہسپتال منتقل کیا جا رہا تھا کہ راستے میں ہی دم توڑ گیا۔پولیس کے مطابق ہلاک ملزم ڈکیتی، رابری،نقب زنی جیسی 104سے زائد وارداتوں میں ریکارڈ یافتہ تھا ۔ملزم کے دیگر ساتھی اندھیرے کا فائدہ اٹھاکر فرار ہوگئے جنکی گرفتاری کیلئے علاقہ میں سرچ آپریشن جاری ہے ۔
روزنامہ دنیا ایپ انسٹال کریں
