وزیر مملکت داخلہ کی کوششیں،پاکستان کو مطلوب 2 ملزم سپین سے گرفتار
اسلام آباد(اے پی پی)وزیر مملکت داخلہ طلال چودھری کی کاوشیں رنگ لے لائیں، پاکستان کو مطلوب 2 ملزمان سپین میں گرفتار کر لئے گئے۔
ضروری کارروائی کے بعد مطلوب ملزمان کو پاکستان کے حوالے کیا جائے گا۔ وزیر مملکت داخلہ طلال چودھری نے حالیہ دورہ سپین میں ہسپانوی وزیر داخلہ مارلاسکا گرینڈے سے ملاقات میں مطلوب ملزمان کی انٹر پول کے ذریعے گرفتاریوں اور پاکستان حوالگی کا مطالبہ کیا تھا، دہشتگردی، قتل ، اغوا برائے تاوان سمیت 23 مقدمات میں مطلوب ملزم نوازش علی ہنجراہ اور دیگر مقدمے میں مطلوب ملزم ہارون اقبال کو انٹرپول ریڈ نوٹس پر سپین میں گرفتار کر لیا گیا ہے۔
روزنامہ دنیا ایپ انسٹال کریں
